ECM-forordninga (EU) 2019/779 har erstatta forordning (EU) 445/2011 som omhandla godsvogner. Alle køyretøy som blir brukte på jernbanenettet skal vere tilordna ein sertifisert ECM. For jernbaneføretak som driv godstrafikk inneber dette krav om sertifisert ECM for trekkraftkøyretøy i tillegg til godsvogner. For jernbaneføretak som driv persontrafikk er sertifiseringskravet nytt.
Det europeiske jernbanebyrået (ERA) har publisert ein rettleiar om ECM. 
Registrering av ECM
Alle køyretøy skal ha tilordna ein ECM før dei kan takast i bruk på det nasjonale jernbanenettet, og ECM skal registrerast i køyretøyregisteret.
Her er skjemaet for registrering av køyretøy. 
Viktige tidsfristar i ECM-forordninga
ECM-forordninga (EU) 2019/779 stiller krav til at alle køyretøya (bortsett frå godsvogner) skal følgje bilag II i forordninga innan 16. juni 2022. Dette gjeld anten verksemda skal sertifisere seg eller ønskjer å nytte unntaket i artikkel 3.2b og handtere det innanfor sitt eige tryggingsstyringssystem.
Artikkel 4 om tryggingskritiske komponentar gjeld frå 16. juni 2021.
Jernbaneverksemder som sjølv er ECM
Krava i vedlegget til ECM-forordninga II kan oppfyllast anten gjennom ei ECM-sertifisering eller i tryggingsstyringssystemet for verksemda (som ein del av løyveprosessen for tryggingssertifikat eller tryggingsgodkjenning)
Dersom ei jernbaneverksemd er ECM og berre held ved like køyretøy til eigen operasjon, er det frivillig å sertifisere seg. Dersom verksemda ikkje er sertifisert, kan ikkje køyretøya nyttast av ei anna verksemd ettersom det betyr at køyretøya ikkje berre blir haldne ved like for operasjon i samsvar med løyvet for verksemda.
For jernbaneverksemder som ønskjer å ECM-sertifisere seg finnast ei oversikt over akkrediterte sertifiseringsorgan i ERADIS.
Jernbaneverksemder som held ved like køyretøy utelukkande for eiga verksemd og som ikkje ønskjer å ECM-sertifisere seg, må informere oss om dette innan ECM-forordninga trer i kraft.
Jernbaneverksemder som nyttar ein annan aktør som ECM
Om ei jernbaneverksemd ønskjer at ein annan aktør er ECM, må denne aktøren vere ECM-sertifisert.
Ansvaret for jernbaneverksemda
Ansvaret ei jernbaneverksemd har for sikker togframføring blir ikkje påverka av ansvaret eining med ansvar for vedlikehald har. Dersom ei jernbaneverksemd ønskjer å setje ut vedlikehald av køyretøy, er det uansett ansvaret til jernbaneverksemda å sikre at køyretøy som blir nytta er rett halde ved like.